Meet Our Staff

  • Rev. Dr. C. Duh Kam

    Rev. Dr. C. Duh Kam

    Senior Pastor

    Keimah ka min cu Rev. Dr.C.Duh Kam ka si. Thantlang Peng Thau khuami ka si. Kawlram ah Sianginn cachim tlawmpal ka tuan in Baible Sianginn ka kai i, MIT, Yangon in BD ka dih. 1992 kum ah US ah cacawn ah ka ra i, Princeton University in PH.D ka dih. Cun Texas State Houston ah Sizung sibawi caan tlawmpal ka tuan hnu ah 2004 in Chin Baptist Mission Church nih Pastor tuan dingin an ka sawm i, cu nak in nihin ni tiang CBMC ah Senior Pastor rian ka tuan. Luterice Memorial Baptist Church, Silver Spring, MD nih 2006 ah Ordination an ka pek. A tu hi CBCUSA ah EM (Executive Minister) ka tuan lio a si i, ka term dih in CBMC ah ka kir than te lai.

  • Rev. Sui Hliang Chorei

    Rev. Sui Hliang Chorei

    Pastor

    Keimah ka min cu Rev.Sui Hliang Chorei a si. Laitlang lei ka chuahnak khua cu Thangtlang peng Hmongtlang asi. Pathian riantuan hi zeidang nakin ka duh bikmi a si caah MICT, Insein, Yangon ah L.Th ka dih. Laitlang ah Pastor kum hnih ka tuan hnu ah India ah B.Th, BD le M.Th ka dih. USA ka phak in Company ah rian ka tuan lio ah Chin Baptist Mission Church nih an sin ah Pathian rian tuan dingin kan in herh ko, tiin an ka sawm caah August, 2012 in CBMC ah Pastor ka tuan. CBCUSA nih February, 2014 thla ah Ordination an ka pek. Pathian nih a rianthiang tuan dingin Chiti thuhmi ka si caah Bawipa cungah kai lawm i, kei le ka inn chungkhar nihcun a rianthiang tuan dingin a kan ko tu Pa Pathian a rian lawng kan tuan ko lai.

  • Pu Lal Bat Cinzah
    Case Worker

    Pu Lal Bat Cinzah

    Keimah ka min cu Pu lal Bat Cinzah ka si. 1997 ah America ram ka rak phan. 1999 Kum CBMC Dirh a si in Chungtel ka rak si. 2014 in CBMC ah Case Worker rian full time in tuan kai thok. CBMC Chungtel chungin bawmh herhmi a ummi poah ka si khawh tawk in ka bawmh hna.

  • Music Director

    Jonah Inhmai

    Keimah ka min cu Jonah Inhmai ka si. 2007 ah New York state ka phan i 2008 kum ah DC Area ah ka hung i tthial i CBMC ah chungtel sinak ka rak lak. 2009 kum in CBMC Khrihfabu ah parttime in Music Director rian khinh ka si. Zarh fatin CBVMC mino pawl Choir an cawnnak ah hla ka awn pi hna i, zarhpi nih Pumh service chungah music lei kongkau paoh tuanvo khinh in tlamtlin ter kai zuam.

  • Pu Siang Dun
    Accountant

    Pu Siang Dun

    Keimah ka min cu Pu Siang Dun ka si. 1999 Kum CBMC Khrihfabu dirhin Member si nak ka ra lak ve. 2012 kum thok in CBMC Khrihfabu ah Accountant rian Part time khinh ka si. CBMC ah thlahlawh pek in riantuanmi hlawh kongkau le CBMC nih US cozah lei pehtlaihnak zong ka tol rel pi hna.

  • Pu Tluang Hei
    Webmaster

    Pu Tluang Hei Sang

    Keimah ka min cu Pu Tluang Hei Sang ka si. 2005 ah US ka phan i ka phak in CBMC Khrihfabu ah Member ka lak colh. CBMC Khrihfabu ah website tuahtu dingah 2009 in Part Time in rian khinh ka si. CBMC Zarhfatin kan i pumhnak le kan activities tete paoh ka si khawh chung in video tlak, hmanthlak le cucu website chungah fim hi ka rian bik cu a si.

  • Pu Ram Hnin
    Custodian

    Pu Ram Hnin

    Keimah ka min cu Pu Ram Hnin ka si. 2007 ah US ka phan i ka Phak cangka in CBMC ah chungtel sinak ka lak colh. CBMC nih Biakinn kan hun cawk hnu 2015 in Custodian rian cu part time in kai thok i 2016 in Full time in ka tuan. CBMC Biakinn thianhhlim le thilri kenkawi kha ka biapi bik rian cu a si.