Our Vision

CBMC Chunmang [Our Vision]
 
CBMC nih aa tinhmi cu Pathian [Pa le Fapa le Thiang Thlarau] a thei rih lo mi hna nih Khrih Khamhnak Thawngtha an theih i an zumh khawh nak ding caah missionriantuan hi a si. Mission kan ti tikah thlarau khamhnak lawng si lo in, pumsa khamhnak zong a si chih. Pathian hi an theih khawh nak ding ah pumsa in anherhmi zong tuah piak an hau. Cu ti cun, a zummi hna nih thlarau le pumsa in an thangcho kho lai. A biapi bik mi cu Pathian hi an theih i Fapa Jesuh Khrih cu Bawi  le Khamhtu ah an pom khawh nak ding ah, le Pathian nih Thlarau Thiang in lam a kan hruai ko ti an hngalh i zumhnak nun in an thancho khawhnak ding caah a si.
Mission rian cu hmun hnih ah tuan ding kan i tim:
 
1. CBCUSA nih a tuanmi ICBM riantuannak ah missionary pakhat kan thlah ve
lai.
 
2. Asho Chin Buddhists hna umnak ah *eld thar kawl in riantuan kan i tim.
Mission riantuannak ah kan khrihfabu zumtu dihlak nih i tel kho dih ding in kan
sawm hna lai. Chungkhar kip nih Khrih ram kauhnak mission rian ah an i tel
khawh cio ahcun anmah tuanmi mission theipar an hmuh lai i thlarau thazaang an
hmu cio lai. Mission riantuan cu zumtu pumpak thlarau le thinlung lawmhnak
caah a si.
 
Zeiruang ah Mission cu kan tuan lai?
 
Vawlei cung mission tuanbia rel tikah, thlarau tlau mi hna khamhnak Thawngtha chimnak mission a tuanmi cu an thangcho deuh hrimhrim ti kan hngalh. Dr. Emil Brunner nih “Mei cu alhnak in a nun bantuk in, khrihfabu cu mission in a nung” tiah a rak ti. Mission riantuan lo ahcun thlarau thathawhnak a um kho lo. Kan Bawipa Jesuh Khrih nih thihnak in teinak he A thawh than hnu ah, “Vawlei khuaza kip ah va kal ulaw, miphun vialte kha ka zultu ah va ser hna u” a kan ti [Matthai 28:19]. A nganbik mi Khrih rian *alnak a si. Ka kal lai maw, kal lai lo tiin i ruah ding a um lo. ‘Kal’ tiin *al kan si.
 
Mithiang pa Paul nih cun “Thawngtha ka chim ruang menmen ahhin kaa phorhlawt awk a si lo. A ngai te ti ahcun, ‘Va chim’ tiah *al pei ka si cu! Thawngtha cu chim loin rak um ning law, ka caah zeitluk in dik a poi hnga” a ti [1 Korin 9:16]. Paul cu aa *ang tuk. Thawngtha chim hi a dih bik. Kannih zong nih kan duh ve tikah cun kan pumpak le khrihfabu thanchonak a chuahpi lai.