CBMC dirhka Mission tuannak le Miphun hawi bawmhchanhnak

CBMC (Chin Baptist Mission Church) cu 1999 Kum September thla ah dirh a rak si thok in Missionary rian hi tuan chih dingin timh chih a  mrak i i, Khrihfabu min hrim ah Mission Church tiin min bunh a rak si. CBMC Khrihfa bu nih Mission a tuan ninghi rammui (Khrihfa si rih lomi hmun) i va kal lawng kha a si loin kan miphun hawi harnak tongmi, Bawmh haumi hna caah zong ah fak piin in rian aa khinh. 

1999-2000 hrawngah Laimi tampi cu Guam ah US lei luhnak caah rak phak a si. Hi lio caan ahhin CBMC Khrihfabu nih Pu Zo Tum Hmung cu thil sining zoh ding le bawmhchanh hau Laimi pawl bawmh chanh ding ah an rak thlah. Cu lawng a si lo, Pu Zo Tum Hmung thiam cu India, Delhi kan miphun hawi Refugee kongkau hlat ding zongah an rak thlah rih. Pu Salai Bawi Lian Mang zong Malaysia Kan miphun hawi Refugee kongkau hlathlai le bawmhchanh ding zongah rak thlah a si hawi.

Cu lawng si lo, CNF si hna seh, CHRO si hna seh..kan miphun hawi pumpak in bawmhhau mi, fimcawnnak lei ah bawmh a tlakmi tampi zong CBMC Khrihfa buupi lawng si loin Nubu, Mino hna kawmh in a tutiang a herh ah a herh ning in bawmhnak pek a si.