Agape Clinic Saknak

CBMC Khrihfabu nihhin MIssions rian a tuannak ahhin aa hmuitinh mi pakhat cu Thanchonak hi a si. Cucaah Hakha khua ah 2005 thok khan Mi sifak le santlai lomi hna caah tiin Siikhan (Clinic) timh tuah a rak si.  Cu timh tuahnak bang cu Agape Clinic pi cu Hakha khua ah US Dollar tingkhat ( US $ 100,000) dih in rak sak a si. Cu Siikhan nih aa timhmi cu hawi bantuk in Private siikhan ah kalnak phaisa a ngei lomi mizaw, mi dam lo hna nih lungre theih lo tein an fuh khawhmi Siikhan si kha a si. Cu Agape Clinic ah cun Hakha khuahlum Khrihfabu he riantuan ti a si i, Sibawi zong parttime in hlan a si.

Cu lawng si lo, hmun dangdang, khua dangdang ummi bawmh hau Khrihfabu hna caah zongah Biakinn, innlo herhhai saknak a bawmh hna, Missionary riantuannak i zumtu thar hna caah a herhmi Biakinn saknak tbk bawmhnak  pawl zong a si khawh chungin Khrihfabupi lawng zi loin, Nubu (Women Dept), Mino (Youth Dept) hna tiin bawmhnak pek le riantuan a si.